មន្ត្រីជើងដប់ឃុំក្រាំងស្គារ ស្រុកទឹកផុសលេងល្បិចកន្ទេលធំប្រឡំដេកឃុបឃិតលួចដីសហគមន៍ព្រៃឈីភ្នំតាសាំលក់
06-August-2016 | ដោយ មែន កំសត់
កំពង់ឆ្នាំង៖សេចក្តីរាយការណ៍របស់ប្រជាពលរដ្ឋបានឲ្យដឹងថា ដីសហគមន៍ព្រៃឈីនៅចំណុចតំបន់ភ្នំតាសាំ ប្រមាណជាង៧០០ហិចតា ដែលស្ថិតខាងត្បូងរ៉ារថភ្លើងក្រាំងស្គារ កន្ទុយដីជាប់ព្រំប្រទល់ភ្នំកន្ត្រក់/ ភ្នំពាមលោក និង .ភ្នំសូរិយា/ហើយខាងកើតទល់ភូមិវាលស្បូវឃុំតាំងក្រសាំង។ខាងត្បូងទល់ឃុំខ្លុងពពក នឹងជាប់ប្រទល់ឃុំជៀបស្រុកទឹកផុស កំពុងត្រូវបានក្រុមឈ្មួញដីឃុបឃិតជាមួយមន្ត្រីពាក់ព័ន្ធមួយចំនួនដោយរៀបចំឯកសារយកស្នាមមេដៃប្រជាពលរដ្ឋជាខែលដើម្បីរំលោភយកដីខាងលើលក់ឲ្យក្រុមឈ្មួញម្នាក់។
-ប្រភពខាងលើបញ្ជាក់ថាក្រុមបន្លំជួញដីរដ្ឋនោះ មានមន្ត្រីក្រុមប្រឹក្សាឃុំក្រាំងស្គារ ម្នាក់ឈ្មោះ សុខ សុវណ្ណ មេសហគមន៍ភ្នំតាសាំ ឈ្មោះសៅ ខេ និងឈ្មួញគួកជេដី ឈ្មោះ ម៉ាត់ រត្ន័បានបំផុសប្រជាពលរដ្ឋក្នុងការ រៀបចំធ្វើឯកសារក្លែងក្លាយយកប្រជាពលរដ្ឋធ្វើជាម្ចាស់ដី ដោយបានឲ្យប្រជាពលរដ្ឋទាំងនោះឈរឈ្មោះធ្វើលិខិតកាន់កាប់ដីធ្លីដោយអ្នកដែលឈរកាន់លិខិតកាន់កាប់ដីធ្លីទាំងនោះ ទទួលបានថវិការចំនួន១៥០ដុល្លារ ក្នុង១ហិចតា។
ក្រុមឈ្មួញទាំងនោះបានយកទៅលក់បន្តអោយឈ្មួញកណ្ដាលក្នុង១ហិចតា៧៥០ដុល្លារបន្តទៀត។ នេះគ្រាន់តែជាជំហានដំបូងដែលក្រុមគេរៀបចំដីចំនួន៤០០ហិចតាសិន។ បើបានជោគជ័យគេនឹងរៀបចំបន្ថែម១០០០ហិចតាទៀត ដោយមានការបើកដៃពីលោកមេឃុំក្រាំស្គាឈ្មោះគង់ សំអ៊ីម និងស្មៀនឃុំ ។
-ប្រភពបានបង្ហើបទៀតថា ក្រុមលោក សុខ សុវណ្ណ ដែលជាក្រុមប្រឹក្សាឃុំ/មេសហគមន៍ សៅ ខេ និងម៉ាត់ រ័ត្នបាន ធ្វើការព្រមព្រៀង ចុះកិច្ចសន្យា ជាមួយថៅកែម្នាក់ដែលជាឈ្មួញកណ្ដាលរស់នៅឃុំពន្លៃ ស្រុករបរិបូរណ៍ដោយមានឈ្មោះសុខ សុវណ្ណ សមាជិកក្រុមប្រឹក្សាឃុំ ជាអ្នកទទួលរៀបចំនិងធានាចំពោះឈ្មួញដីបើគ្មានដីឬមានបញ្ហាគេសងលុយវិញ១គុណនិង៣ ។ប្រជាពលរដ្ឋនិយាយថា ឈ្មោះសុខ សុវណ្ណ សមាជិកក្រុមប្រឹក្សាឃុំ មេសហគមន៍សៅ ខេ និង ឈ្មោះម៉ាត់ រ័ត្ន បានទទួលលុយកក់ថ្លៃទិញដីចំនួន ២០០០០ដុល្លាររួចហើយ។
-ពាក់ព័ន្ធករណីរឿងរ៉ាវរំលោភដីធ្លីខាងលើនេះប្រជាពលរដ្ឋរស់នៅឃុំក្រាំងស្គា សំនូមពរដល់ឯកឧត្ដមជា សុផារ៉ាទេសរដ្ឋមន្ត្រីក្រសួងដែនដីនគរូបនីយកម្ម និងសំណង់.ឯកឧត្តម អភិបាលខេត្តកំពង់ឆ្នាំង ឈួរ ច័ន្ទឌឿន.នឹងអស់លោកមន្ទីរសុរិយោដីខេត្ត និងអភិបាលស្រុក ទឹកផុស គួរតែចុះធ្វើការត្រួតពិនិត្យស្រាវជ្រាវផង។ ព្រោះករណីដូចខាងលើចឹងមានច្រើនករណីមកហើយតែគេមិនឃើញមានការទប់ស្កាត់និងចាប់ជនខិលខួចទាំងនោះមកផ្ដន្ទាទោសម្ដងណាឡើយចឹងហើយបានជាមន្ត្រីមូលដ្ឋានចេះតែបានចិត្តនោះ។
ចំនួនអ្នកទស្សនា
- ថ្ងៃនេះ1561
- ម្សិលមិញ11441
- សប្តាហ៍នេះ31391
- ខែនេះ146541
- ឆ្នាំនេះ146541
- សរុប20588997